نامعلوم بندوق برداروں کے حملے میں ایک شخص ہلاک

نوجوان کو اگرچہ شدید زخمی حالات میں گورنمنٹ میڈیکل کالج اننت ناگ علاج و معالجہ کیلئے منتقل کیا گیا تاہم وہ زخموں سے جانبر نہ ہو پایا۔

جنوبی ضلع کولگام میں دو افراد کی ہلاکت کے بعد ضلع اننت ناگ کے لارکی پورہ علاقے میں نامعلوم مسلح افراد نے 28 سالہ نوجوان پر نزدیک سے گولیاں چلا کر اسکو ابدی نیند سلا دیا۔

نوجوان کی ہلاکت کے ساتھ ہی یہ جنوبی کشمیر میں گزشتہ 24گھنٹوں کے دوران تیسری ہلاکت ہے۔

پولیس ترجمان کے مطابق اننت ناگ کے لارکی پورہ فتح پورہ علاقے میں جمعرات کی شام دیر گئے اس وقت کہرام مچ گیا جب نا معلوم مسلح افراد نے 28 سالہ نوجوان محمد سلیم ڈار ولد محمد عبد اللہ ڈار پر نزدیک سے گولیاں چلائی جس کے نتیجے میں وہ شدید طور پر زخمی ہو گیا۔

نوجوان کو اگرچہ شدید زخمی حالات میں گورنمنٹ میڈیکل کالج اننت ناگ علاج و معالجہ کیلئے منتقل کیا گیا تاہم وہ زخموں سے جانبر نہ ہو پایا۔

نوجوان کی ہلاکت کے ساتھ ہی علاقے میں فوج و فورسز کی بھاری نفری نمودار ہوئی جنہوں نے پورے علاقے کو محاصرے میں لیکر حملہ آوروں کی تلاش شروع کر دی۔