ترال: ریچھ کے حملے میں شہری زخمی

جنوبی کشمیر کے ترال  قصبے سے تقریباً دس کلو میٹر دور واقع ایک علاقے میں ریچھ نے گوجر طبقہ سے وابستہ ایک شخص پر حملہ کر دیا۔

اطلاعات کے مطابق یہ واقعہ اس وقت پیش آیا جب جمعہ گوجر ولد عبدالکریم، ساکن دودھ کلن ترال اپنے گھر کے نزدیکی جنگل سے لکڑی جمع کر رہا تھا۔ اس دوران ایک ریچھ آیا اور اس نے ان پر حملہ کر کے انہیں زخمی کر دیا۔

حملے کے بعد مقامی لوگوں نے اس شخص کو سب ڈسٹرکٹ اسپتال ترال منتقل کیا ہے جہاں اس کی حالت خطرے سے باہر بتائی جا رہی ہے۔