کپواڑہ: سڑک پر گندگی کا ڈھیر، لوگ پریشان

شمالی کشمیر کے ضلع کپواڑہ کے وڈی پورہ علاقے کے باشندگان نے شکایت کی ہے کہ چند افراد اپنے گھروں سے کوڑا کرکٹ نکال کر سڑک پر پھینک رہے ہیں۔

مقامی لوگوں کا کہنا ہے کہ سڑک پر جمع گندگی کے اس ڈھیر کی وجہ سے چلنے پھرنے میں کافی مشکلات کا سامنا کرنا پڑرہا ہے۔

ان کا کہنا ہے کہ سڑک کے ایک طرف ہسپتال بھی ہے اس کے سامنے یہ افراد کوڑا کرکٹ جمع کررہے ہیں۔ اگرچہ اسپتال انتظامیہ نے کئی بار ان لوگوں کو یہاں گندگی کا ڈھیر جمع کرنے پر پابندی لگائی ہے لیکن ان لوگوں نے پھر سے کوڑا کرکٹ جمع کرنا شروع کر دیا ہے، جس سے لوگوں کو ہی نہیں بلکہ ہسپتال عملہ اور مریضوں کو بھی مشکلات کاسامنا کرنا پڑ رہا ہے۔

لوگوں نے کہنا ہے جہاں کورونا وائرس مہلک بیماری نے پوری دنیا کو اپنے لپیٹ میں لے لیا ہے لیکن ان افراد کا ضمیر مردہ ہوچکا ہے جو وبا دیکھنے کے باوجود بھی کوڈا کرکٹ سڑکوں پر ڈال کر اپنی اور دوسرے لوگوں کی زندگیوں سے کھیل رہے ہیں۔

مقامی باشندوں نے ضلع انتظامیہ سے مطالبہ کیا ہے کہ ان شرپسند عناصر کے خلاف کارروئی کی جائے تاکہ آئندہ یہ افراد یہاں سڑکوں اور اسپتال کے ارگرد کوڈا کرکٹ جمع کرنے سے گریز کریں۔