Madrasa Students Celebrate Independence day الجمیل فاونڈیشن کی جانب سے قادریہ مکتب میں جشن آزادی کی تقریب

الجمیل فاؤنڈیشن نے 15 اگست یوم آزادی کی تقریبات کے موقع پر فاؤنڈیشن برانچ قادری مکتب چک بگلان وجے پور میں قومی پرچم لہرایا، مدرسہ کے طلباء نے جوش و خروش کے ساتھ پرچم کشائی کی۔

جموں:مرکز کے زیر انتظام یوٹی جموں و کشمیر کے جموں کے وجے پور کے چک بگان میں واقع قادری مکتب میں یوم آزادی کے موقع پر خصوصی جشن آزادی تقریب کا انعقاد کیا گیا۔ الجمیل فاؤنڈیشن کے چیئرمین حفیظ احمد نے پرچم کشائی کی۔ ایس ایس پی سامبا بینم توش نے الجمیل فاونڈیشن اور مدرسے کے طلباء کو مبارکبادی پیش کی ۔

اس موقع پر مدرسے کے طلباء نے قومی پرچم جوش و خروش کے ساتھ لہرایا۔طالب علموں نے قومی ترانہ اور حب الوطنی کے گیت گائے۔تقریب میں 100 سے زائد طلباء نے ترانگے کی ٹوپیاں پہنے اور ہاتھوں میں قومی پرچم اٹھا رکھے تھے۔الجمل فاؤنڈیشن کے چیئرمین حفیظ احمد نے کہا کہ وہ مکتب کے قیام کے بعد سے ہر یوم آزادی پر پرچم کشائی کرتے رہے ہیں۔ یہ دن صرف طلباء کے ساتھ نہیں منایا جاتا ہے بلکہ مقامی لوگ بھی کی اس تقریب میں شامل ہوتے ہیں۔

انہوں نے مزید کہا کہ ال جمیل فاؤنڈیشن اور اس کی برانچ قادری مکتب کا ماحول سماجی اور ثقافت سے بھرپور ہے “وہ دن گئے جب طلباء صرف عربی علوم یا مذہبی صحیفوں کی تلاوت تک محدود تھے۔ اس وقت ہمارے ہر ادارے میں طلبہ کو ہسٹری، انگلش، ہندی اور کمپیوٹر کورسز پڑھائے جا رہے ہیں جو خود بچوں میں حب الوطنی کا جذبہ پیدا کرتا ہے۔گھنٹہ بھر جاری رہنے والی تقریب کا اختتام ملک کی سلامتی اور خوشحالی کے لیے اجتماعی دعاؤں سے ہوا۔