کشتواڑ: جموں و کشمیر کے پہاڑی ضلع کشتواڑ میں لوک عدالت کا اہتمام کیا گیا اس دوران مختلف نوعیت کے تقریباً 449 کیسز کی سماعت کی گئی۔باہمی اتفاق کے ساتھ سینکڑوں کیسز نمٹائے گئے۔اس پر عام لوگوں نے خوشی کا اظہار کیا۔ کشتواڑ میں چیئرمین ڈسٹرکٹ لیگل سروسز اتھارٹی سرجیت سنگھ بالی کی زیر صدارت قومی لوک عدالت کا انعقاد عمل میں لایا گیا۔ لوک عدالت کے دوران تین بینچ قائم کئے گئے تھے جن میں پرنسپل اینڈ سیشن جج سرجیت سنگھ بالی اور محمود انورالناصر، چیف جوڈیشل مجسٹریٹ کشتواڑ اور دوسرا بنچ کرتار سنگھ منصف /جے ایم آئی سی کشتواڑ اور سعید عارف حسین ایڈوکیٹ موجود رہے۔
کشتواڑ میں لوک عدالت کے دوران مختلف نوعیت کے تقریباً 449 کیسز کی سماعت کی گئی۔ سیکریٹری ڈسٹرکٹ لیگل سروسز اتھارٹی نے لوک عدالت سے متعلق تفصیلات فراہم کرتے ہوئے کہا کہ لوک عدالت کے دوران 449 کیسز کی سماعت کی گئی جن میں 227کیسز کا باہمی رضا مندی سے نمٹایا گیا اور اس دوران بینک ریکوری، منی ریکوری ، ایم ای سی ٹی کیسز میں 54,15,971 رقم ریکور کی گئی۔