پانی نہ ہونے کی وجہ سے عوام پریشان

ایک طرف سرکاری لاک ڈاؤن اور دوسری طرف پینے کے پانی کی قلت سے پاری بل ترال کی آبادی کو سخت مشکلات کا سامنا کرنا پڑ رہا ہے۔

لاک ڈاؤن کے پیش نظر آبادی نے آج سماجی دوری کی احتیاط کرتے ہوئے محکمہ پی ایچ ای کے خلاف زبردست احتجاجی مظاہرہ کیا۔

مظاہرین نے پی ایچ ای کے خلاف زبردست نعرے بازی کی۔

ان کا کہنا تھا کہ لاک ڈاؤن کے باوجود بھی علاقے کی خواتین کو کئی کلومیٹر سفر طے کر کے پانی لانا پڑ رہا ہے جو کہ افسوسناک ہے۔

انہوں نے کہا کہ ہم نے کئی مرتبہ محکمہ سے گزارش کرنے کے باوجود بھی محکمہ ٹس سے مس نہیں ہورہا ہے۔

مقامی لوگوں کے مطابق گاؤں کے نزدیک ایک بڑی واٹر سپلائی اسکیم زنگ آلود ہو گئی ہے لیکن حکام اس کو ٹھیک کرنے میں لیت ولعل کا مظاہرہ کر رہے ہیں۔

مقامی لوگوں نے مطالبہ ہے کہ ان کو پینے کا پانی جلد از جلد فراہم کیا جائے۔