پانی کی فراہمی نہیں ہونے پر احتجاج

ریاست جموں و کشمیر کے ضلع کولگام کے دمحال ہانجی پورہ علاقے میں مقامی لوگوں نے پانی کی عدم فراہمی کے خلاف احتجاج کیا۔

دمحال ہانجی پورہ کے سلام کنی گاؤں کے لوگوں نے دنیو کنڈی مرگ دمحال ہانجی پورہ مین روڈ کو کئی گھنٹوں تک کے لیے بند کر دیا۔

مقامی لوگوں کے مطابق 'گذشتہ ایک مہینے سے ہمارے علاقے میں پینے کا پانی میسر نہیں ہے اور علاقے کی خواتین کو تین کلو میٹر دور سے پانی لانے کے لیے جانا پڑتا ہے۔'

ان کے مطابق' ہم نے کئی بار محکمہ پی ایچ ای کے افسران کو اس بارے میں آگاہ کیا لیکن انہوں نے کوئی کارروائی نہیں کی۔'

مقامی لوگوں نے گورنر انتظامیہ سے مطالبہ کیا کہ ان کے مسائل کو جلد سے جلد حل کیا جائے۔