Water Scarcity In Baramulla بارہمولہ میں پانی کی قلت کے خلاف مقامی خواتین کا احتجاج

جموں و کشمیر کے ضلع بارہمولہ کے سوپرر کے گل آباد علاقے میں مقامی باشندوں نے پانی کی قلت پر محکمہ جل شکتی کے خلاف شدید احتجاج کیا اور روڈ کی ناکہ بندی کردی۔ پولیس نے جائے وقوع پر پہنچ کر خواتین کو سمجھا کر ناکہ بندی ختم کرائی۔

باہمولہ: مرکز کے زیر انتظام یوٹی جموں و کشمیر کے ضلع بارہمولہ کے سوپرر کے گل آباد علاقے میں مقامی باشندوں جس میں خواتین کی تعداد زیادہ نے پانی کی قلت پر محکمہ جل شکتی کے خلاف جم کر احتجاج کیا اور ناکہ بندی کردی۔احتجاج و ناکہ بندی کے سبب آمدورفت متاثر ہوگئی ۔پولیس نے جائے وقوع پر پہنچ کر خواتین کو سمجھا کر ناکہ بندی ختم کرائی۔ مقامی باشندہ نے کہا کہ ہم لوگوں کو کافی مشکلات ہے اور ہم کو پینے کا صاف پانی فراہم نہیں کیا جا رہا ہے۔ہم گندا پانی پینے کے لئے مجبور ہوتے ہیں۔اس سے ہم کو بیماریوں کا خطرہ لاحق رہتا ہے۔ اگرچہ انتظامیہ کی طرف سے دس سال قبل یہاں پر ایک اسکیم کو تعمیر بھی کیا گیا لیکن ہمیں کوئی فایدہ حاصل نہیں ہورہا ہے۔

انہوں نے مزید کہا کہ ہم کو کوئی شوق نہیں ہے کہ ہم سڑکوں پر احتجاج کریں لیکن ہم کو مجبور کیا جا رہا ہے۔ ہم پانی کی بوند بوند کے لے ترستے ہیں۔
سرکار پینے کے صاف پانی کی حوالے سے روز بلند و بالا دعویٰ کرتی ہے لیکن حالات اس کے برعکس ہیں۔پانی کی قلت کے سبب لوگوں کو دشواریوں کا سامنا کرنا پڑتا ہے۔ مظاہرین کا کہنا ہے کہ محکمہ جل شکتی کو اس سلسلے میں جلد سے جلد ٹھوس قدم اٹھانے کی ضرورت ہے تاکہ ہماری پریشانی ختم ہو سکے۔محکمہ اگر کوئی قدم نہیں اٹھاتا ہے تو ہم بڑے پیمانے پر احتجاج کریں گے۔