Local Residents Protest گاندربل میں نالہ سندھ کے اطراف میں غیرقانونی تعمیرات کے خلاف عوام میں ناراضگی

ضلع گاندربل میں نالہ سندھ کے دونوں افراف میں غیر قانونی تعمیرات کے خلاف مقامی باشندوں کی ناراضگی بڑھتی جا رہی ہے۔ مقامی لوگوں کا کہنا ہے کہ انتظامیہ کو سب کچھ معلوم ہونے کے باوجود غیرقانونی تعمیرات کے خلاف خاطر خواہ کارروائی نہیں کی جا رہی ہے۔

گاندربل:مرکز کے زیر انتظام یوٹی جموں و کشمیر کے ضلع گاندربل کے پرنگ علاقے میں مشہور ڈاکٹرس کالونی میں نالہ سندھ کے دونوں اطراف سو میٹر کی دوری میں کسی بھی طرح کی تعمیرات کو عدالت کی طرف سے روک لگائی گئی ہے، تاہم چند اثر و رسوخ والے افراد نے ان سرکاری حکمنامے کی دھجیاں اڑاتے ہوئے تعمیرات کے کاموں کو جاری رکھا ہے۔

اگرچہ چند تعمیرات کو محکمہ آبپاشی و فلڈ کنٹرول نے گرانے کے لیے باضابطہ نوٹس بھی نکالا تھا تاہم یہ صرف کاغذ تک ہی محدود رہا۔ بدھ کی صبح کئی محکموں کے ملازمین ڈاکٹرز کالونی پرنگ انہدامی کاروائی کے لئے پہنچے تھے، تاہم مختلف محکموں کا آپسی تال میل نہ ہونے کی وجہ سے اس کاروائی میں تاخیر ہوئی۔ جب کہ اس دوران محکمہ آبپاشی کے سپروائزر کو ڈی سی گاندربل کی طرف سے منسلک کر دیا گیا۔

نالہ سندھ کے دونوں افراف میں غیر قانونی تعمیرات کے خلاف مقامی باشندوں کی ناراضگی بڑھتی جا رہی ہے۔ مقامی باشندوں کا کہنا ہے کہ انتظامیہ کو سب کچھ معلوم ہونے کے باوجود غیرقانونی تعمیرات کے خلاف خاطر خواہ کارروائی نہیں کی جا رہی ہے۔ مقامی لوگوں نے الزام عائد کیا کہ ان تعمیرات پر چند افسران کا آشیرواد ہونے کی وجہ سے یہ کاروائی صرف کاغذات تک ہی محدود رہ جاتی ہے۔ انہوں نے کہا کہ مقامی عوام کو سر چھپانے کے لیے ایک آشیانہ بنانے کی اجازت نہیں ہے اور اثر رسوخ والے افراد بڈی بڑی عمارتیں تعمیر کر رہے ہیں۔