پلوامہ: تحصیل آفس کے احاطہ میں گرینیڈ برآمد

جنوبی کشمیر کے پلوامہ ضلع میں تحصیل آفس میں ایک دستی بم برآمد کیا گیا ہے۔

ذرائع کے مطابق تحصیل آفس میں ایک دستی بم برآمد ہونے کے بعد بم ڈسپوزل اسکواڈ کو اسے نکارہ بنانے کے لئے طلب کیا گیا ہے۔ایک عہدیدار نے بتایا آفس کے باہر دستی بم پھینکا گیا تاہم کوئی جانی یا مالی تقصان نہیں ہوا۔

انہوں نے بتایا کہ اس معاملے میں ایک مقدمہ درج بھی کیا گیا ہے۔

واضح رہے کہ اس وقت جموں و کشمیر میں عسکریت پسندوں کی جانب سے کئی حملے ہو رہے ہیں جس کی وجہ سے سکیورٹی اہلکار سمیت عام شہری بھی ان حملوں کے نشانے بنے ہیں۔