لاک ڈاؤن: گاندربل میں ساتویں روز بھی عام زندگی متاثر

گاندربل میں گزشتہ سات روز سے کورونا وائرس کے پیش نظر لاک ڈاؤن جاری ہے اور اس دوارن ضلع انتظامیہ کئی اہم اقدامات اٹھا رہی ہے۔

جموں و کشمیر کے وسطی ضلع گاندربل میں آج ساتویں روز بھی لاک ڈاؤن میں کسی بھی طرح کی نرمی دیکھنے کو نہیں ملی۔

جموں و کلشمیر انتظامیہ کی جانب سے جاری کردہ میڈیا بلٹین کے مطابق گاندربل میں کورونا وائرس متاثریں کی تعداد 1578 ہوگئی ہے جس میں 437 سرگرم معاملات ہیں۔ وہیں ضلع میں اب تک اس وائرس سے 24 افراد کی موت ہوچکی ہے۔

خیال رہے کہ ضلع بھر میں ڈسٹرکٹ مجسٹریٹ شفقت اقبال نے 29 اگست کو آٹھ دن کے لیے لاک ڈاؤن دوبارہ نافذ کیا تھا جو پانچ ستمبر کو ختم ہوگا۔

ای ٹی وی بھارت کے مطابق اس دوران ضلع بھر کے تمام تجارتی مراکز بند ہیں جبکہ سڑکوں سے ٹریفک بھی غائب ہے۔

واضح رہے کہ اس سے قبل بھی کئی بار ضلع میں لاک ڈاؤن نافذ کیا گیا جس کی وجہ سے تجارتی انجمنوں کو مشکلات سے دوچار ہونا پڑا ہے۔