جموں و کشمیر کے لیفٹیننٹ گورنر منوج سنہا نے آج ضلع اننت ناگ کا دورہ کیا، اس دوران انہوں نے گورنمنٹ میڈیکل کالج کے کام کاج کا جائزہ لیا۔
سنہا نے میڈیکل کالج انتظامیہ سے ضلع بھر میں وبائی صورتحال اور اس سے جڑے تمام تر طبی انتظامات کے بارے میں جانکاری حاصل کی اور جی ایم سی میں کووڈ مریضوں کے لئے درکار طبی لوازمات اور سہولیات کا جائزہ لیا۔
میڈیا سے بات کرتے ہوئے ایل جی نے کہا کہ کورونا وائرس سے نمٹنے کے لئے انتظامیہ کی جانب سے متعدد اقدامات کیے جارہے ہیں۔ انہوں نے بجبہاڑہ میں قائم کووڈ مریضوں کے لئے ٹراما ہسپتال کے کام کاج کا بھی جائزہ لیا۔
اس موقع سے ڈائریکٹر ہیلتھ آئی جی پولیس، صوبائی کمشنر، ڈی سی، ایس ایس پی اننت ناگ، پرنسپل جی ایم سی اننت ناگ و دیگر کئی افسران ان کے ہمراہ تھے۔ ایل جی کے دورے کے حوالے سے انتظامیہ کی جانب سے سکیورٹی کے سخت انتظامات کئے گئے تھے۔
