جنوبی کشمیر کے ضلع پلوامہ کے ترال قصبے میں چند شرپسندوں نے میر سید محمد ہمدانی کے زیارت گاہ کو نقصان پہچانے کی کوشش کی ہے۔
ایک سرکاری ترجمان نے بیان میں کہا ہے کہ اس کارروائی کی مذمت کرتے ہوئے لیفٹیننٹ گورنر نے یہ بیان دیا ہے کہ لوگوں کے جذبات کو ٹھیس پہنچانے کے لیے ایسی حرکتیں برداشت نہیں کی جائیں گی۔
انہوں نے کہا کہ اس حملے میں ملوث افراد کو بخشا نہیں جائے گا اور ان کے خلاف سخت کارروائی کی جائے گی۔ پولیس نے پہلے ہی ملزمان کو گرفتار کے لیے کارروائی شروع کردی ہے۔
لیفٹیننٹ گورنر نے عوام سے اپیل کی ہے کہ وہ امن و امان کو برقرار رکھیں اور افواہوں کی وجہ سے یا کسی بھی غیر اخلاقی عنصر کی جانب توجہ نہ دیں۔
انہوں نے ڈائریکٹر جنرل آف پولیس (ڈی جی پی) کو ہدایت دی ہے کہ وہ جموں و کشمیر میں تمام زیارت گاہوں کی سکیورٹی کو مستحکم کریں۔
