جموں و کشمیر کے لیفٹیننٹ گورنر گریش چندر مرمو ،چیف سکریٹری اور ایل جی کے مشیر فاروق خان، بسیر خان ،کے کے شرما نے مرکزی علاقے کے لوگوں کو عیدالفطر کے موقعہ پر مبارک باد پیش کی۔
اُنہوں نے تمنا ظاہر کی کہ یہ تہوار بین مذہبی رواداری کو ترقی دے اور قائم رکھے اور تمام مذاہب کے ماننے والوں میں بھائی چارے یگانگت اور امن و آشتی کے اقدار پیدا کریں۔
لیفٹیننٹ گورنر و انتظامیہ کے اعلیٰ افسران نے اُمید ظاہرکی کہ ماہِ رمضان جوکہ صوم و صلوٰة ، صدقہ و خیرات کا مہینہ ہے جموںوکشمیر کی مخلوط روایات کو مزید استحکام بخشے گا۔ انہوں نے جموں وکشمیر کے لئے امن، ترقی اور خوشحالی کے لئے دعا کی۔
لیفیٹننٹ گورنر و جموں کشمیر انتظامیہ کے اعلا افسران نے موجودہ صورتحال کے پیش نظر لوگوں کو عید منانے کے دوران اِنتظامیہ کی جانب سے جاری رہنما خطوط اور قواعد و ضوابط پر عمل پیرا رہنے کے لئے کہا ۔
