بڈگام: ویکسین کی کمی سے لوگوں میں تشویش

بڈگام میں ویکسین اور ریپڈ ایکشن ٹیسٹ کٹس کی شدید کمی پائی جا رہی ہے جس سے لوگوں میں تشویش ہے۔

جموں و کشمیر کے ضلع بڈگام میں ویکسین اور ریپڈ ایکشن ٹیسٹ کٹس کی شدید کمی پائی جا رہی ہے۔ ضلع کے تمام ویکسینیشن مراکز پر لوگوں کو شدید مشکلات کا سامنا کرنا پڑرہا ہے

اس دوران ای ٹی وی بھارت کے نمائندہ نے ضلع بڈگام کے کچھ ویکسینیشن اور ٹیسٹنگ مراکز کا جائزہ لیا جہاں پایا کہ لوگ ویکسینیشن کے لیے آ تو رہے ہیں لیکن ویکسین موجود نہیں ہونے کی وجہ سے انہیں واپس لوٹنا پڑ رہا ہے۔

بڈگام میں ریپڈ ایکشن ٹیسٹ کٹس ختم ہونے سے ضلع میں ٹیسٹ نہیں ہو پا رہا ہے حالانکہ آر ٹی پی سی ٹیسٹ کو انتظامیہ یقینی بنانے کی ہرممکن کوشش کر رہی ہے.

اس تعلق سے ای ایم او بڈگام نے بتایا کہ ویکسین اور ٹیسٹ کٹس کے لیے ہم نے ہائر اتھارٹیز کو جانکاری دے دی ہے اور کل تک ضلع میں ویکسین اور ٹیسٹنگ کا عمل دوبارہ شروع ہوجائے گا۔

ڈاکٹر تجمل حسین نے یہ بھی بتایا کہ اب تک لوگ کورونا ٹیسٹ کے لیے نہیں آتے تھے لیکن اب جب کووڈ کے معاملوں میں اضافہ ہورہا ہے تو کافی لوگ ویکسین اور ٹیسٹ کرانے آرہے ہیں۔

انہوں نے لوگوں سے اپیل کی کہ وہ صبر و تحمل سے کام لیں اور احتیاطی تدابیر پر عمل کرے تاکہ کورونا وائرس کو مزید پھیلنے سے روکا جا سکے۔