پلوامہ: حکومت کھیل کود کو فروغ دینے کے اقدامات اٹھارہی ہیں تاکہ وادی کے نوجوان کھیل کود کے ساتھ منسلک ہوسکیں۔ اس منصوبے کے تحت جموں و کشمیر کے ساتھ ساتھ ضلع پلوامہ میں بھی کھیل کے کئی میدان تیار کئے ہیں۔ تاہم ضلع کے بیشتر میدانوں میں بنیادی سہولیات کا فقدان نظر آتا ہے۔Lack of basic facilities in the Arampora playground of Pulwama district, the youth took steps to smooth the field
Lack of basic facilities in the Arampora playground ضلع پلوامہ کے آرم پورہ علاقے میں کھیل کے میدان کے لئے ایک جگہ منتخب کی گئی تھی۔ اس کے بعد علاقے میں موجود صنعتی یونٹس نے اس میدان پر قبضہ جمانے کی کوشش کی۔ اس کے بعد میدان کا دائرہ مختصر ہونے لگا۔ تاہم مقامی نوجوانوں نے صنعتی یونٹس کے ساتھ بات چیت کرکے ناجائز قبضے ہٹانے کی کوشش کی۔ اس کے بعد میدان کو کھیل کود کے استعمال کرنےکے لائق بنانے کی کوشش کی۔مقامی نوجوانوں نے اس میدان کے تعمیراتی کاموں کے حوالے سے کئی بارے حکام کا دروازہ کھٹکھٹایا لیکن ضلع انتظامیہ پر اس کا کوئی اثر نہیں پڑا۔ میدان پر اب تک کوئی کام نہیں کیا گیا۔ انتظامیہ کی عدم توجہی کے بعد مقامی نوجوانوں نے خود ہی میدان میں بنیادی سہولیات کے فقدان کو دور کرنے کی کوشش شروع کردی ۔ عبدل رشید نے اس سلسلے میں بات کرتے ہوئے کہا کہ اس میدان کو تعمیر کرنے کے لئے انہیں کڑی محنت کرنی پڑی تاہم ابھی اس میں اور کام کرنابقی ہے۔ اس کے لئے فنڈمختص نہیں کئے جارہے ہیں جس کی مدد سے ہم اس میدان کو کھیلنے کے قابل بناسکے۔انہوں نے انتظامیہ سے اپیل کی کہ وہ اس میدان کی جانب توجہ مرکوز کرے ۔اس میدان کو تیار کرنے میں ان کی مدد کرے۔
یہ بھی پڑھیں:Anti Drug Awareness Programme ترال کو منشیات سے پاک رکھنے کے لیے انتظامیہ متحرک
اعجاز احمد نے کہا کہ ہم نے زمین میدان کے نام وقف کی ہے ۔تاہم اس میدان کو ہموار کرنے کے لئے پیسے کی ضرورت ہےجو ہمارے بس کی بات نہیں ہے۔انہوں نے بھی انتظامیہ سے اپیل کی کہ وہ علاقے کے نوجوانوں کو کھیل کود کے ساتھ منسلک کرنے کے لئے اس میدان کو تعمیر کرنے میں ان کی مدد کرے۔اس ضمن میں بی ڈی سی چیئرمین لاسی پورہ سجادرینا نے کہا کہ وہ اس حوالے سے خود بھی اقدامات اٹھائیں گے ساتھ ہی ضلع انتظامیہ کی توجہ اس جانب مبذول کرانے کی کوشش کریں گے تا کہ مسئلہ حل ہو سکے۔
