زعفران کو جی آئی ٹیگ ملنے پر کشتواڑ کے کسان میں خوشی کی لہر

زعفران کو جی اے ٹیگ میں شامل کرنے پر کسان کے چہروں پر خوشی کی لہر دیکھنے کو ملی۔ اس دوران کشتواڑ کے زغفران پیداوار کسانوں نے بھی ضلع انتظامیہ کشتواڑ اور زعفران محکمہ کا شکریا ادا کیا۔ Kishtwar Saffron Farmers

کشتواڑ: مرکز کے زیر انتظام جموں و کشمیر کے ضلع کشتواڑ کا زعفران پوری دنیا میں مشہور ہے۔ اس کی کھیتی کشتواڑ کے چند علاقوں میں کی جاتی ہے۔ کشتواڑ میں لوگ گزشتہ تیس سال سے زعفران کی کھیتی کرتے آ رہے ہیں۔ لیکن کشتواڑ کے کسانوں کو ان کی محنت کا جائز حق نہیں مل پا رہا تھا۔ حالیہ برسوں میں ضلع ترقیاتی کمشنر کشتواڑ ڈاکٹر دیونش یادیو نے زعفران کے کاشت کاروں کے ساتھ درجنوں بار ملاقات کی اور ان کی پریشانی کو غور سے سنا۔ ڈپٹی کمشنر کشتواڑ نے انہیں کئی مرتبہ یقین دہانی بھی کروائی تھی کہ کشتواڑ کے زعفران کو جے آئی ٹیگ پر ضلع انتظامیہ ہائر اتھارٹی کی نوٹس میں لاکر کشتواڑ کے کسانوں کی اس مانگ کو پورا کرنے کی کوشش کرے گی۔

ڈپٹی کمشنر کشتواڑ ڈاکٹر دیونش یادیو نے کشتواڑ کے لوگوں کو جموں کشمیر سرکار کی طرف سے کشتواڑ کے زعفران کو جی آئی ٹیگ میں شامل کیے جانے پر مبارک باد پیش کی۔ کشتواڑ کے زعفران ویلی سے مشہور پوچھال کے لوگوں نے بھی ڈپٹی کمشنر کشتواڑ کا شکریہ ادا کیا۔ اس دوران لوگوں نے ناراضگی بھی ظاہر کی کہ محکمہ کی طرف سے کسانوں کو کوئی امداد نہیں کی جاتی ہے۔