آل انڈیا کسان سنگھرش سمیتی کا دورہ کشمیر

ڈیلی گیشن نے کسانوں کے کئی وفود کے ساتھ ملاقات کی اور برفباری سے ہوئے نقصان کی جانکاری حاصل کی۔

مرکز کے زیر انتظام کشمیر صوبے میں حال ہی میں ہوئی بھاری برفباری اور پچھلے تین ماہ سے جاری ناسازگار حالات کی وجہ سے کسانوں کو ہوئے نقصان کا جائزہ لینے کے غرض سے مختلف ریاستوں سے آئے ہوئے ایک ڈیلی گیشن آل انڈیا کسان سنگھرش سمیتی نے وادی کشمیر کا دو روزہ دورہ کیا۔

اپنے دورہ کے دوران ڈیلی گیشن نے کسانوں کے کئی وفود کے ساتھ ملاقات کی اور برفباری سے ہوئے نقصان کی جانکاری حاصل کی۔

اس دوران ڈیلی گیشن کے سربراہ یوگیندر یادو کشمیر چیمبر آف کامرس سے بھی ملاقی ہوئے اور بعدازاں میڈیا نمائیندوں کے ساتھ بات کرتے ہوئے کہا کہ حالیہ غیر متوقع برفباری سے وادی کے کسانوں کو کافی نقصان ہوا ہے۔

انہوں نے مرکزی سرکار سے اپیل کی ہے کہ متاثرہ کشمیری کاشتکاروں کو فوری معاوضہ ادا کیا جائے۔ انہوں نے مزید کہا کہ وہ دہلی جاکر مرکزی حکومت کے ساتھ کشمیری کسانوں کا مسئلہ اُٹھائے گے۔