کشمیر ایڈیٹرس گلڈ کی میٹنگ بشیر احمد بشید کی صدارت میں منعقد ہوئی جس میں تمام شرکا نے جموں وکشمیر کے میڈیا اداروں کے موجودہ صورتحال پر تبادلہ خیال کیا۔
میٹنگ میں میڈیا اداروں کے مسائل کی نشاندہی کی گئی اور ان کو حل کرنے کے طریقوں اور ذرائع کو تلاش کیاگیا۔
اس موقع پر اخبارات کے مدیران نے کہا کہ سنگین صورتحال کے باوجود ، انہوں نے مشکل ترین اور چیلنج شدہ اوقات میں تاریخ کو ریکارڈ کرنے میں کامیابی حاصل کی ، جو ایک روایت ہے اور گذشتہ برسوں میں اس رجحان نے فروغ پایا۔
کشمیر ایڈیٹرس گلڈ کی میٹینگ، بشیر احمد بشیر نئے صدر بیان کے مطابق انہوں نے کہا کہ یہ کوششیں یہاں پر ہمیشہ موجود تھیں لیکن 2019 کے موسم گرما میں اس میں اضافہ ہوا اور ایسا لگتا ہے کہ ایک سال گزرنے کے بعد یہ مہم اب دوبارہ شروع ہوگئی ہے۔
تمام ممبران نے کشمیر میں میڈیا اداروں کی اہمیت اور افادیت پر زور دیا ۔میڈیا اہلکاروں کو بدنام کرنے اور ان اداروں پر مفاد پرست عناصر کے قبضے پر سخت برہمی کا اظہار کیا گیا ۔
کشمیر ایڈیٹرس گلڈ کی میٹینگ، بشیر احمد بشیر نئے صدر
گلڈ کے اراکین نے کہا کہ کشمیر میڈیا نے وادی کی حالیہ تاریخ میں اپنا لوہا منوایا ہے اور اس کا سلسلہ جاری رکھا جائے گا اور اس کے لئے اگرچہ انہیں بڑی قیمت بھی ادا کرنی پڑے گی۔
کشمیر ایڈیٹرس گلڈکے ممبران نے افسوس کا اظہار کیا کہ نظام حکومت کے اندر وسیع تر سوشل میڈیا کے اندر و باہر اور پس پردہ ذاتی مفادات کیلئے یہ بدنامی کی مہم شروع کی گئی ہیں، جبکہ ان کا مقصد نامہ نگاری کو ختم کرناہے، جس پر کشمیر کی تاریخ باقی ہے۔
میٹنگ میں ممبران نے کہا کہ یہ فورم بدلتے ہوئے حالات کا ردعمل پیش کرنے اور ایک سال سے زیادہ عرصے میں رونما ہونے والی مداخلتوں پر از سرنو نظر ڈالنے کے لئے اکثر و بیشتر ملاقات کرتی رہے گی۔
ممبران نے میڈیا اہلکاروں کے مسائل کی نشاندہی کی اور اس بات کا اعادہ کیا کہ آنے والے دنوں میں درپیش مسائل کو ترجیحی بنیاد پر نمٹایا جائے گا۔
اجلاس میں فیاض احمد کلو (گریٹر کشمیر) ، بشیر منظر (کشمیر امیجز) ، بشیر احمد بشیر (سرینگر ٹائمز) ، سجاد حیدر (کشمیر آبزرور)، حاجی حیات (کشمیر ریڈر)، طاہر محی الدین (چٹان)، منظور انجم (عقاب) ، جیلانی قادری (ڈیلی آفاق) ، ہارون رشید (ندا ئے مشرق) ، شفاعت کیرا (کشمیر ویژن) ، راجہ محی الدین (تعمیل ارشاد) ، مسعود حسین (کشمیر لائف) اورظہور ملک (کشمیر ٹائمز) نے شرکت کی،جبکہ شمیم معراج (کشمیر مانیٹر) نے میٹنگ میں شرکت نہیں کی۔
