کرناہ۔ٹنگڈار سڑک پر ٹریفک بحال

حالیہ قہر انگیز برفباری نے جہاں پوری وادی میں معمولات زندگی کافی متاثر کی وہیں سرحدی ضلع کپوارہ کے کرناہ۔ٹنگڈار میں برفباری کے نتیجے میں معمولات زندگی درہم برہم ہو کر رہ گئی تھی۔

جموں کشمیر میں حالیہ بھاری برف باری کی وجہ سے معمولات زبدگی درہم برہم ہو کر رہ گئیں تھیں۔ ادھر سرحدی علاقہ ٹنگڈار۔کرناہ سڑک کو انتظامیہ نے احتیاطی طور پر بند کردیا تھا۔ موسم میں بہتری کے بعد آج قریب دو ہفتوں بعد سڑک پر ٹریفک کی نقل و حمل کو بحال کیا گیا ہے، جبکہ بجلی سپلائی بھی بحال کر دی گئی۔

ضروریات زندگی بحال ہونے کے بعد مقامی لوگوں نے اظہار اطمینان اور راحت کی سانس لی۔

دوسری جانب مقامی آبادی نے کہا کہ اُس پار سے ہورہی فائرنگ اور شیلنگ سے کئی تعمراتی ڈھانچوں کو نقصان پہنچا ہے۔ انہوں نے کہا حکومت کی جانب سے اگرچہ دعویٰ کیا گیا تھا کہ سرحدی آبادی کے لئے محفوظ بنکر بنائے جائے گے لیکن فی الحال اس پر کوئی پیش رفت نہیں ہوئی ہے۔ انہوں نے انتطامیہ سے اس سلسلہ میں مداخلت کی اپیل کی ہے۔