کولگام: مرکز کے زیر انتظام یوٹی جموں و کشمیر کے لداخ ہائی کورٹ کے جسٹس سنجے دھر نے آج ضلع کولگام کی عدلیہ میں جاری تعمیراتی کام کاج کا جائزہ لینے کے مقصد سے دورہ کیا۔ انہوں نے پرنسپل ڈسٹرکٹ اینڈ سیشن کورٹ کولگام اے ڈی آر سینٹر اور نیے تعمیر ہو رہے کورٹ کمپلکس کے تعمیراتی کام کا جائزہ لیا۔ ایڈمنسٹریٹو جج جسٹس دھر نے بار ایسوسی ایشن کولگام کے وکلا سے ان کے مسائل اور دیگر معاملات کے حوالے سے جانکاری حاصل کی۔ ان کے ہمراہ پرنسپل ڈسٹرکٹ اینڈ سیشن جج محمد اشرف بٹ، ڈی سی کولگام ڈاکٹر بلال محی الدین بٹ، ایس ایس پی ساحل سارنگل کے علاوہ جج صاحبان اور وکلاء سمیت متعلقہ محکموں کے آفیسران موجود تھے۔
جسٹس دھر نے انتظامیہ اور تعمیراتی ایجنسی پر زور دیا کہ وہ نیے کورٹ کمپلکس کا کام جلد مکمل کریں۔ میڈیا سے بات کرتے ہوئے انہوں نے کہا کہ انہوں نے تعمیراتی کاموں کو جلد از جلد کرانے کی ہدایت دی۔