Vivek R Agnihotri اگنی ہوتری 'کشمیر فائلز' کی دوسری سریز بنانے میں مصروف

فلم کشمیر فائلز کے ڈائریکٹر ویویک اگنی ہوتری نے کہا کہ انہوں نے اس فلم کو بنانے کے لیے پانچ برسوں تک محنت کی۔ ان کی ٹیم نے کشمیری پنڈتوں سے متعلق تمام جانکاری حاصل کرنے میں لمبے عرصے تک محنت کی۔

سرینگر:مرکز کے زیر انتظام یوٹی جموں و کشمیر کی گرمائی راجدھانی سرینگر میں آج فلم کشمیر فائلز ڈائریکٹر ویویک اگنی ہوتری نے پریس کانفرنس کو خطاب کرتے ہوئے کہا کہ کشمیر فائلز کی دوسری سریز کشمیر فائلز ان ریپورٹڈ سیریز بنانے میں مصروف ہیں۔ انہوں نے تفصیل سے بات چیت کرتے ہوئے کہا کہ 1990 کی دہائی میں کشمیری پندتوں پر ممبنی فلم کشمیر فائیلز کی کامیابی کے بعد اس سلسلے میں سیریز تیار کرنے کی کوشش کر رہے ہیں۔

فلم ڈائریکٹر ویویک اگنی ہوتری کا کہنا ہے کہ وہ اور ان کی ٹیم اب کشمیر فائلز کی دوسری سیریز بنانے کے مقصد سے ان دنوں کشمیر میں ہیں۔ اس پروجیکٹ پر کام جاری ہے۔ امید کرتے ہیں اس پروجیکٹ کو ناظرین پسند کریں گے۔ کشمیر فائیلز پر کافی تبصرہ ہوا جب کہ کشمیری عوام نے فلم پر تنقید کرتے ہوئے کہا کہ فلم کو منفی سوچ سے بنایا گیا ہے جس سے کشمیری پنڈتوں اور کشمیری مسلمانوں میں دوری بڑھنے کا اندیشہ ہے۔

اس دوران ایک سوال کے جواب میں ویوویک اگنی ہوتری نے کہا کہ جہاں تک کشمیری مسلمانوں کی بات ہے۔ انہوں نے کافی ساتھ دیا۔ کشمیری مسلمانوں نے ساتھ دیا ہے تو آپ نے اس فلم میں اس کا ذکر کیوں نہیں کی، اس پر انہوں نے کہا میرے آنے والی فلم کشمیریت پر ہی ہوگی جس کو میں جلدی کشمیر میں شوٹ کروں گا۔

فلم میں نمایا رول ادا کرنے والی پلوی جوشی نے کہا کہ جہاں 90 کی دہائی میں عسکری پسندی کے واقعات سے کشمیر پنڈتوں نے کافی ظلم جھیلے، وہیں اسے لوگوں کے سامنے لانے میں 30 سال لگے۔ دکھ کی بات یہ ہے اب تک کسی بھی ایک فرد نے ان کی کہانی نہیں سنی تھی، جب کہ اب لوگ فلم دیکھنے کے بعد یہ محسوس کرتے ہیں کہ 90 کی دہائی میں یہاں کیا ہوا تھا۔