اسٹیٹ سبجیکٹ حقوق کے لئے پینتھرز پارٹی پارلیمنٹ کے باہر احتجاج کرے گی: ہرش دیو سنگھ

پریس کانفرنس سے خطاب کرتے ہوئے پینتھرز پارٹی کے چیرمین ہرش دیو سنگھ نے کہا کہ بی جے پی نے دفعہ 370 کی منسوخی کے بعد جموں کشمیر کے زمین کے مالکانہ حقوق اور اسٹیٹ سبجکٹ حقوق قانون کے بارے میں عوام کو گمراہ کیا ہے۔

مرکز کے زیر انتظام جموں و کشمیر کے صوبہ جموں میں آج نیشنل پینتھرز پارٹی کی طرف سے گاندھی نگر میں قایم پارٹی دفتر میں ایک پریس کانفرنس منعقد کی گئی جس میں انہوں نے اعلان کیا کہ جموں کشمیر کے اسٹیٹ سبجیکٹ قانون کو لیکر ان کی پارٹی پالیمنٹ کے باہر احتجاج کرے گی۔

پریس کانفرنس سے خطاب کرتے ہوئے پارٹی کے چیرمین ہرش دیو سنگھ نے کہا کہ بی جے پی نے دفعہ 370 کی منسوخی کے بعد جموں کشمیر کے زمین کے مالکانہ حقوق اور اسٹیٹ سبجکٹ حقوق قانون کے بارے میں عوام کو گمراہ کیا ہے۔

انہوں نے کہا کچھ وقت قبل بھارتیا جنتا پارٹی کے رہنما دعویٰ کر رہے تھے کہ جموں کشمیر کے لئے اسٹیٹ سبجیکٹ قانون لایا جائے گا لیکن مرکزی وزیر جے کرشن ریڈی نے کہا کہ جموں کشمیر میں اب اسٹیٹ سبجکٹ کی ضرورت نہیں ہے جس سے بی جے پی کی دہری پالیسی کا پتا چلتا ہے۔

ہرش دیو سنگھ نے کہا کہ ان کی پارٹی جلد ہی ملک کے پارلیمنٹ کے باہر اسٹیٹ سبجکٹ کے حق میں جلد احتجاج کرے گی۔