پلوامہ کے درجنوں نوجوانوں نے اپنے گھروں میں ہی مقامی نسل اور ہائی برڈ مرغیوں کو پالنا شروع کیا ہے۔
اس سلسلے میں انہوں نے محکمہ مرغ پالن سے رجوع کرکے چوزے خریدے ہیں۔
ماہرین کے مطابق ان مرغیوں کی خاصیت یہ ہے کہ قلیل مدت میں ان کا وزن بڑھنے کے علاوہ یہ روزانہ انڈے بھی دیتی ہیں۔
انہوں نے کہا کہ فارمی مرغیوں کے برعکس یہ ہر قسم کی غذا کھاتی ہیں اور ان کے لیے کسی خاص قسم کی جگہ درکار نہیں۔ اس طرح سے انہیں آسانی سے پالا جاسکتا ہے۔
وادی میں جاری کشیدہ حالات کے دوران ان مرغیوں سے لوگوں کو ان مشکل ایام میں فائدہ ملنے کی امید ہے۔
محکمہ کی جانب سے انہیں 28روز کی مرغیاں پچاس روپیے میں مل جاتی ہیں۔
واضح رہے کہ مرکزی حکومت کی جانب سے جموں و کشمیر کی آئینی خصوصی حیثیت دفعہ 370کی منسوخی کے بعد کشیدہ حالات کے باعث جہاں عام زندگی مفلوج ہوکر رہ گئی وہیں مسلسل بندشوں کے باعث تجارتی سرگرمیاں بھی تقریباً ٹھپ ہیں۔