Jal Jeevan Mission Allegations محکمہ جل جیون پر الزام بے بنیاد، سی بی آئی انکوائری کی ضرورت نہیں، انتظامیہ

ایل جی انتظامیہ نے جل جیون مشن میں ایک سینئر آئی اے ایس افسر کی جانب سے مبینہ تین سو کروڈ روپے گھوٹالے کے الزامات کو مسترد کرتے ہوئے کہا کہ اس معاملے میں سی بی آئی جانچ کی ضرورت ہی نہیں ہے۔

سرینگر: مرکز کے زیر انتظام یوٹی جموں و کشمیر میں محکمہ جل جیون کے ایک افسر پر بدعنوانی کا الزام عائد کیا گیا تھا۔اس کو لے کر اپوزیشن جماعتوں نے سی بی آئی انکوائری کا مطالبہ کیا ہے۔ اس معاملے میں جموں کشمیر انتظامیہ نے جل جیون مشن میں ایک سینئر آئی اے ایس افسر کی جانب سے مبینہ تین سو کروڑ روپے گھوٹالے کے الزامات کو مسترد کرتے ہوئے کہا کہ اس معاملے میں سی بی آئی کی جانچ کی ضرورت ہی نہیں ہے۔

سرینگر میں پریس کانفرنس سے خطاب کرتے ہوئے جموں کشمیر جل شکتی محکمے کے ایڈیشنل چیف سیکرٹری شلین کابرہ نے کہا کہ گذشتہ چار برسوں سے تمام کاموں اور ٹھیکوں کو آئن لائن موڈ کے ذریعے دیے جارہے ہیں جن میں شفافیت ہوتی ہے۔ انہوں نے کہا کہ 2019 کے بعد یونین ٹریٹری میں تمام ٹھیکے اور پروجیکٹ شفافیت سے دیے جارہے ہیں۔

یاد رہے کہ جموں کشمیر انتظامیہ کے سینئر آئی اے ایس افسر اور سابق پرنسپل سیکرٹری جل شکتی محکمہ اشوک کمار پرمار نے جموں کشمیر کے لیفٹنٹ گورنر منوج سنہا، چیف سیکرٹری ڈاکٹر ارون کمار مہتا اور سلین کابرہ پر الزام عائد کیا ہے کہ ان عہدیداروں نے جل جیون مشن کو لاگو کرنے میں تین سو کروڑ روپے کا گھوٹالہ کیا ہے۔