پولیس کے ڈپٹی انسپکٹر جنرل (وسطی کشمیر) وی کے بردی نے دھماکے کی تصدیق کرتے ہوئے کہا کہ متعدد زخمیوں کو مقامی اسپتال میں داخل کیا گیا ہے۔
سرینگر میں گرینیڈ حملہ، ایک ہلاک، متعدد زخمی ای ٹی وی بھارت کے نمائندے کے مطابق نامعلوم افراد نے امیرا کدل کے گونی کھن علاقے میں گرینیڈ حملہ کیا جس کے نتیجے میں ایک شخص ہلاک جبکہ متعدد افراد زخمی ہوگئے۔
انہوں نے کہا کہ اس حملے کے بعد سکیورٹی فورسز نے علاقے کو محاصرے میں لیا اور تلاشی مہم شروع کی۔
سرینگر میں گرینیڈ حملہ، متعدد افراد زخمی معلوم ہوا ہے کہ رنکو نامی ہلاک شدہ شخص غیر مقامی باشندہ تھا جو اس جگہ پر تالوں کی کنجیاں بناتا تھا۔ رنکو کا تعلق ریاست اترپردیش کے شہر سہارنپور سے تھا۔
اطلاعات کے مطابق ایس ایس بی (سرحدی پولیس دستہ) کا ایک جوان بھی زخمی ہوا ہے تاہم اس کی شناخت ابھی نہیں ہوپائی ہے۔
مزید تفصیلات کا انتظار ہے۔
