ادھر تجارتی اور کاروباری سرگرمیاں مکمل بند رہنے سے تاجروں کو شدید نقصانات سے دوچار ہونا پڑ رہا ہے۔
کشمیر: عوام خوانچہ فروشوں پر منحصر کیوں؟ وادی کشمیر کے بیشتر علاقوں میں گذشتہ چند روز سے خوانچہ فروشوں کی سرگرمیاں دیکھی جاسکتی ہیں۔ خوانچہ فروش مختلف قسم کے ملبوسات، جوتے، میوہ جات، سبزیاں اور دیگر قسم کے گھریلوں ساز و سامان فروخت کرنے میں مشغول نظر آرہے ہیں۔
عام لوگ بھی ضرورت کا سامان خوانچہ فروشوں کے پاس سے ہی خرید رہے ہیں کیونکہ ان کے پاس اس کا متبادل موجود نہیں ہے۔
خوانچہ فروش سماج کے کمزور طبقے سے تعلق رکھتے ہیں جو دن میں کماتے ہیں اور شام کو اپنے اہل خانہ کے لیے روزی روٹی کا انتظام کرتے ہیں۔
وادی کے بیشتر علاقوں میں سڑک کے کنارے، چوراہوں اور دوسری جگہوں پر کافی تعداد میں خوانچہ فروش مختلف قسم کی اشیاء فروخت کرنے میں مشغول نظر آرہے ہیں۔
