رامبن کے دور دراز کے گاوں احدوا میں ایک خونخوار تیندوے کی دہشت کافی پھیل گئی ہے اور اس تیندوے نے گزشتہ ایک ہفتے سے علاقے میں ہنگامہ برپا کر رکھا ہے۔
اس تیندوے نے اب تک دو درجن سے زائد مویشی جن میں زیادہ تر بھڑ بکریاں ہیں انھیں اپنے شکار کا نشانہ بنایا ہے۔
لیکن آج ضلع رامبن کے احدوا تحصیل کے ایک شخص جن کی شناخت آنچل سنگھ ولد منگت رام سنگھ کے طور پر ہوئی ہے۔
آنچل سنگھ آج صبح کی اولین ساعتوں میں اپنے گھر سے باہر نکالا ہی تھا اچانک تیندوے نے حملہ کر کے اسے زخمی کر دیا۔
شور سن کر مقامی لوگوں نے متاثر شخص کو بڑی مشکل سے تیندے سے بچایا اور اسے چار پائی پر ضلع اسپتال لے آئے،
مقامی لوگوں کا کہنا ہے کہ گاؤں کی سڑکیں خستہ حال ہونے کے سبب متاثر شخص کو چار پائی سے اسپتال لایا گیا اور اس میں انھیں پانچ گھنٹے کا وقت لگا۔ فی الحال متاثر شخص آنچل سنگھ کی حالت خطرے سے باہر بتائی جارہی ہے۔
