جموں و کشمیر ہائی کورٹ کے لئے اب سال بھر یکساں اوقات کار مقرر

موسم سرما اور گرما کے لئے اوقات کار میں تبدیلی کی گذشتہ روایت کو خیر باد کرتے ہوئے جموں و کشمیر ہائی کورٹ کے لئے اب سال بھر یکساں اوقات کار مقرر کیے گئے ہیں۔

ایک بیان کے مطابق چیف جسٹس گیتا متل نے اوقات کار سے متعلق کیلنڈر جاری کیا ہے جو باقی ماندہ سال کے لئے لاگو ہوگا۔

ہائی کورٹ کی جموں ونگ کے لئے رجسٹری، دفتری اوقات پہلے اجلاس کے لئے 9:30 سے ایک بجے تک، اجلاس کی دوسری نشست 2 سے ساڑھے 4 بجے تک مقرر کی گئی ہے جس کے دوران ایک گھنٹے کا وقفہ طعام ہوگا جبکہ عدالت کے اوقات کار 10 بجے سے ایک بجے تک نشست اوّل اور دوبجے سے 4 بجے تک نشست دوم مقرر کی گئی ہے۔

سری نگر ونگ کے لئے رجسٹری، دفتری اوقات پہلے اجلاس کے لئے 10 سے ایک بجے تک، اجلاس کی دوسری نشست 2 سے ساڑھے 5 بجے تک مقرر کی گئی ہے جس دوران ایک گھنٹے کا وقفہ طعام ہوگا جبکہ عدالت کے اوقات کار ساڑھے 10 بجے سے ایک بجے تک نشست اوّل اور دوبجے سے ساڑھے بجے تک نشست دوم مقرر کئے گئے ہیں۔

جموں ضلع کی ضلع اور سب ضلع عدالتوں میں پہلا اجلاس 9:30 سے ایک بجے تک اور دوسرا اجلاس 2 بجے سے ساڑھے 4 بجے تک ہوگا اور ایک بجے سے دو بجے تک وقت وقفہ طعام کے لئے مقرر کیا گیا ہے جبکہ عدالتی اوقات پہلی نشست کے لئے 10 بجے سے ایک بجے تک اور دوسری نشست 2 بجے سے 4 بجے تک ہوگی اور درمیان میں ایک سے دو بجے تک وقفہ طعام ہوگا۔

کشمیر اور لداخ میں دفتری اوقات پہلے اجلاس کے لئے 10 بجے سے ایک بجے تک جبکہ دوسرے اجلاس کے لئے 2 بجے سے 5 بجے تک وقت مقرر کیا گیا ہے جبکہ وقفہ طعام ایک بجے سے دو بجے تک ہوگا۔

اسی طرح عدالت اوقات کار 10 بجے سے ایک بجے تک اجلاس اوّل اور دو بجے سے ساڑھے 4 تک اجلاس دوم کے لئے مقرر کئے گئے ہیں اور درمیان میں ایک بجے سے دو بجے تک وقت وقف طعاف مقرر کیا گیا ہے۔