جموں وکشمیر ہائی کورٹ نے بدھ کے روز شوپیاں کے ایک شخص کے خلاف پبلک سیفٹی ایکٹ کے تحت نظربندی کے حکم کو کالعدم قرار دیا اور حکم دیا کہ وہ اسے حراست سے جلد رہا کرے۔
علی پورہ شوپیاں کے رہائشی وسیم احمد شیخ نے اپنے والد بشیر احمد شیخ کے ذریعہ گذشتہ برس ڈپٹی کمشنر شوپیاں کے 10 اگست 2019 کو منظور شدہ نظربندی حکم کے خلاف درخواست دائر کی تھی۔
جسٹس علی محمد مگری کے بنچ نے حکام کو ہدایت دی کہ وہ وسیم احمد شیخ کو رہا کرے۔
عدالت نے کہا کہ ' حراست میں لئے جانے والے کسی بھی شخص کو یہ حق ہے کہ وہ نظربندی کے حکم کے خلاف عدالت میں نمائندگی کرے۔
عدالت کی جانب سے کہا گیا ہے کہ ایسی موثر نمائندگی تبھی کسی (نظربند) کے ذریعہ کی جاسکتی ہے جب اسے نظربندی کے متعلقہ بنیادوں پر فراہمی کی جائے جس میں حکام کے ذریعہ نظربند حکم کو منظور کرنے کے لیے مطلوبہ شخصی اطمینان پر پہنچنے پر غور کیا جاتا ہے۔'
عدالت نے اپنے رجسٹرار جوڈیشل کو ہدایت دی کہ وہ متعلقہ ضلعی مجسٹریٹ شوپیاں اور جیل سپرنٹنڈنٹ کو فوری طور پر حکم پہنچائے اور وسیم احمد شیخ کو رہا کرے ۔
