کشمیر: پلوامہ میں تصادم کے دوران تین عسکریت پسند ہلاک

جموں و کشمیر کے جنوبی ضلع پلوامہ کے راجپورہ علاقے میں عسکریت پسندوں اور سکیورٹی فورسز کے درمیان تصادم کے دوران تین عسکریت پسند ہلاک ہوئے۔

اطلاعات کے مطابق عسکریت پسندوں کی موجودگی کی اطلاع موصول ہونے کے بعد فوج اور مقامی پولیس نے راجپورہ علاقے کو محاصرے میں لیا اور تلاشی مہم شروع کی۔

تلاشی کارروائی کے دوران عسکریت پسندوں نے سکیورٹی فورسز پر فائرنگ کی جس کے بعد دوطرفہ فائرنگ کا تبادلہ شروع ہوگیا اور تین عسکریت پسند ہلاک ہوئے۔

ہلاک شدہ تینوں عسکریت پسندوں کی لاشیں برامد کرلی گئی ہیں۔ دو عسکریت پسند غیرملکی ہیں اور ان کی شناخت ابھی تک نہیں ہوسکی ہے۔ ایک عسکریت پسند مقامی ہے جس کی شناخت نوید کے طور پر ہوئی ہے۔ یہ پلوامہ کے رہنے والے ہیں۔

انکاؤنٹر ختم ہوچکا ہے۔