سرینگر میں گرینیڈ حملہ

جموں و کشمیر کے دار الحکومت سرینگر کے نواکدل علاقے میں نامعلوم افراد نے سی آر پی ایف کے جوانوں پر گرینیڈ حملہ کیا۔

اطلاعات کے مطابق نواکدل علاقے میں نامعلوم افراد نے نیم فوجی جوانوں پر گریںیڈ حملہ کیا۔ حملے کے بعد سکیورٹی فورسز نے پورے علاقے کو محاصرے میں لیا اور تلاشی مہم شروع کر دی ۔

بتایا جاتا ہے کہ حملہ آور فرار ہونے میں کامیاب ہوگئے۔ اب تک کسی بھی شدت پسند تنظیم نے اس حملے کی ذمہ داری قبول نہیں کی ہے۔ سرکاری طور پر دھماکے کے بارے میں پوری تفصیلات فراہم نہیں کی گئی ہے۔

ادھر جموں و کشمیر کے ضلع گاندربل کے ناراناگ علاقے میں عسکریت پسندوں اور سکیورٹی فورسز کے درمیان تصادم میں تین عسکریت پسند ہلاک ہوگئے۔ڈوڈہ اور رامبن میں بھی عسکریت پسندوں اور سکیورٹی فورسز کے درمیان تصادم جاری ہے۔

مزید تفصیلات کا انتظار ہے۔