پلوامہ میں تصادم

جنوبی کشمیر کے ضلع پلوامہ کے ڈربگام علاقے میں عسکریت پسندوں اور سکیورٹی فورسز کے درمیان تصادم کی خبریں آرہی ہیں۔

واضح رہے کہ پلوامہ کے ڈربگام علاقے میں عسکریت پسندوں نے سکیورٹی فورسز کے بنکر پر فائرنگ کی جس کے بعد دو طرفہ فائرنگ کا تبادلہ شروع ہوگیا۔اب تک فائرنگ میں کسی کے زخمی یا ہلاک ہونے کی خبر نہیں ہے۔

نزدیک میں واقع کیمپوں سے مزید سکیورٹی فورسز کو بلایا گیا ہے اور علاقے کو محاصرے میں لیا اور تلاشی مہم شروع کردی گئی تھی۔

خیال رہے کہ سکیورٹی فورسز پر حملہ اس دن ہوا ہے جب یوروپی یونین کا 28 رکنی پارلیمانی وفد دفعہ 370 اور 35 اے ختم کئے جانےکے بعدکی صورتحال کا جائزہ لینے کے لئے وادی کشمیر پہنچا ہے۔

مزید تفصیلات کا انتظار ہے۔