قومی شاہراہ پر پھنسی ہوئی مسافر اور مال بردار گاڑیاں جواہر ٹنل پار کر کے کشمیر پہنچ گئیں لیکن کشمیر میں قاضی گنڈ اور جواہر ٹنل کے نزدیک اب بھی سینکڑوں مال بردار گاڑیاں درماندہ ہیں جسکی وجہ سے مسافروں اور ڈرائیورز کو شدید مشکلات کا سامنا کرنا پڑ رہا ہے۔
جموں- سرینگر قومی شاہراہ یکطرفہ ٹریفک کے لیے بحال واضح رہے کہ جموں کشمیر کے جنوبی ضلع اننت ناگ کے میدانی اور بالائی علاقوں میں پیر کی رات سے اوسط سے درمیانی درجے کی برف باری ہوئی تھی۔ جواہر ٹنل اور پیر پنچال پہاڑی رینج میں بھی برف باری اور بارشوں کی وجہ سے جموں سرینگر قومی شاہراہ پر آمد و رفت بند کر دی گئی تھی۔
حکام کا کہنا ہے کہ قومی شاہراہ کو جلد ہی دوطرفہ ٹریفک کی آواجاہی کے لیے بحال کیا جائے گا ۔
