جموں: پنچایت کانفرنس کا حکومت کے خلاف احتجاج

بلاک ڈیولپمینٹ کونسل کے انتخابات سے قبل جموں و کشمیر کی پنچایتوں نے حکومت کے فیصلے کی مخالفت شروع کردی ہے۔

دراصل 24 اکتوبر کو جموں و کشمیر کے پنچایتی راج کے دوسرے ٹیئر کے بی ڈی سی انتخابات ہونے جارہے ہیں۔

وہیں سرپنچوں کا کہنا ہے کہ 'اب 70 برس بعد جب انتخابات ہو رہے ہیں اور 370 کو بھی منسوخ کر دیا گیا ہے تو پھر یکم نومبر سے قبل انتخابات کیوں کرائے جارہے ہیں؟'

جموں و کشمیر پنچایت کانفرنس کے چیئرمین نے کہا کہ 'آخر کیا وجہ ہے کہ چند روز قبل ہی ان انتخابات کو کرایا جا رہا ہے۔'

انہوں نے کہا کہ 'اگر حکومت 73 ویں ترمیم نافذ نہیں کریں گی تو ہم احتجاج جاری رکھیں گے۔'

واضح رہے کہ جموں و کشمیر کے پنچایتی راج بی ڈی سی انتخابات 24 اکتوبر کو مقرر کیے گئے ہیں اور ایسے میں عوام اور کسانوں میں ناراضگی ہے۔