' کھیل سرگرمیوں سے مستقبل بہتر بنانے کی کوشش کریں'

جموں و کشمیر کے ضلع کپواڑہ میں پولیس کی جانب سے آج نوجوانوں کے لیے ٹی 20 کرکٹ ٹورنامنٹ کا انعقاد کیا گیا۔

اس ٹورنمنٹ کا افتتاح ڈی آئی جی شمالی کشمیر سلمان چودھری نے ایس ایس پی کپواڑہ شری رام امبار کار کے ہمراہ کیا۔

ڈی آئی جی شمالی کشمیر نے نوجوانوں سے اپیل کی کہ وہ کھیل کود کی سرگرمیوں میں بڑھ چڑھ کر حصہ لیں اور اپنا مستقبل بہتر بنانے کی کوشش کریں۔

اس ٹورنامنٹ میں لوگوں کی ایک بڑی تعداد نے شرکت کی۔

تقریب میں پولیس کے اعلی افسران کے ساتھ ساتھ فوج اور سیول انتظامیہ کے افسران بھی موجود رہے۔