نوجوانوں کے لیے کانسٹبل تقرری کا عمل

جموں و کشمیر کے 22 اضلاع میں بی ایس ایف اور سی آئی ایس ایف کی طرف سے مشترکہ طور پر نوجوانوں کے لیے کانسٹبل عہدے کے لیے تقرری عمل میں لائی جا رہی ہے۔

آج ضلع بارہمولہ کے بی ایس ایف کیمپ سنگھ پورہ میں 375 طلبہ نے تقرری مہم میں حصہ لیا اور امتحانات میں شرکت کی۔

بی ایس ایف کے ڈی آئی جی جیتندر سندھو کا کہنا تھا کہ جموں و کشمیر کے نوجوان تشدد کا راستہ ترک کر رہے ہیں، اور نوجوانوں کو کافی خوشی ہے کہ وہ اب بھارتی فوج میں شامل ہو رہے ہیں۔

ڈی آئی جی سندھو نے مزید بتایا کہ اب جموں و کشمیر کے نوجوانوں کو سمجھ میں آگیا ہے کہ کیا صحیح ہے اور کیا غلط۔

انہوں نے بتایا کہ فوج کی ہمیشہ سے یہی کوشش رہی ہیں کہ وادی کے نوجوانوں کو صحیح راستہ دکھایا جائے جس سے وہ اپنا مستقبل تابناک کریں۔