نالے کی مرمت کرنے کی انتظامیہ سے اپیل

مقامی لوگوں کا کہنا ہے کہ سرکاریں آتی جاتی رہیں مگر مذکرہ نالے کی تعمیر ممکن نہ ہو سکی جس کی وجہ سے آئے روز اس علاقے کے مکینوں کے لیے یہ نالہ موت کا کنواں بنتا جا رہا ہے۔

مرکز کے زیر انتظام علاقہ جموں کے رضا نگر خاص بھٹنڈی نالہ علاقے کے مکین ڈیجیٹل دور میں بھی خوف و ہراس کی زندگی بسر کر رہے ہیں۔

سڑک کی خستہ حالت اور نالے کا خطرہ لوگوں کے لیے باعث تشویش بنا ہوا ہے۔ رضا نگر خاص بھٹنڈی نالہ کے مکینوں کا کہنا ہے کہ ہم برسوں سے سرکار و مقامی نمائندوں سے مطالبہ کر رہے ہیں کہ رضا نگر میں بڑے نالے اور سڑک کی تعمیر کی جائے تاکہ بارشوں کے دوران منڈلاتے خطرات سے ہمیں نجات مل سکے تاہم ابھی تک وہ ٹس سے مس نہیں ہوئے۔

مقامی لوگوں کا کہنا ہے کہ سرکاریں آتی جاتی رہیں مگر مذکرہ نالے کی تعمیر ممکن نہ ہو سکی جس کی وجہ سے آئے روز اس علاقے مکینوں کے لیے یہ نالہ موت کا کنواں بنتا جا رہا ہے۔

مقامی لوگوں نے سرکار سے اپیل کی کہ اس نالے کی مرمت کی جائے۔ انہوں نے انتظامیہ سے فریاد کی ہے کہ رضا نگر خاص بھٹنڈی کے اِس نالے کی تعمیر کو یقینی بنانے کے لیے فوری اقدامات کئے جائیں تاکہ لوگوں کو راحت مل سکے۔