جموں و کشمیر حکومت نے ایسے خاندانوں کو ماہانہ ایک ہزار روپے پنشن دینے کو منظوری دی ہے جنہوں نے کورونا وائرس کی وجہ سے واحد کمانے والے رکن کو کھو دیے ہیں۔
ایک سرکاری ترجمان نے بتایا کہ لیفٹیننٹ گورنر منوج سنہا کی صدارت میں انتظامی کونسل کی میٹنگ منعقد ہوئی جس میں کووڈ متاثرین کے لئے خصوصی امدادی اسکیم (ایس اے ایس سی ایم /سکشم) کو منظوری دی گئی ہے۔
انہوں نے بتایا کہ اس اسکیم کا مقصد اُن خاندانوں کی زندگی کو آسان بنانا ہے جنہوں نے اپنا واحد کمانے والا فرد کھو دیا ہے۔ نئے اسکیم سکشم کے تحت فوت شدہ کی شریک حیات اور متاثرہ خاندانوں میں سے زندہ بچ جانے والے رکن کو ایک ہزار روپے کی خصوصی ماہانہ پنشن ملے گی۔ یہ رقم براہ راست بینک ٹرانسفر ( ڈی بی ٹی ) کی جائے گی۔
مزید برآں یہ اسکیم ان بچوں کو خصوصی اسکالر شپ بھی فراہم کرے گی جو اپنے کمائے ہوئے والدین/ بہن بھائیوں/ سرپرستوں کو کووڈ کی وجہ سے کھو دیے ہیں۔