جموں و کشمیر میں کورونا کے 76 نئے کیسز درج

نئے کیسز میں سے 16 خطہ جموں سے جبکہ 60 خطہ کشمیر سے ہیں۔ علاوہ ازیں جموں و کشمیر میں اس وبا سے ہلاک ہونے والوں کی کل تعداد 1933 ہو گئی ہے۔

جموں و کشمیر میں گذشتہ چوبیس گھنٹوں میں کووڈ-19 کے 76 مثبت کیسز سامنے آئے ہیں۔ اپریل ماہ سے جموں و کشمیر میں لگاتار کورونا کیسز کی تعداد میں اضافہ ہو رہا تھا، تاہم گزشتہ ہفتوں سے یہاں کورونا کیسز میں بتدریج کمی ہو رہی ہے۔ اس سے قبل شبہ ظاہر کیا جاتا تھا کہ سردی کے ایام میں کورونا کیسز میں اضافہ ہوسکتا ہے لیکن اندازے کے عین برعکس سردی کے شروع ہوتے ہی یہاں مثبت معاملات میں نمایاں کمی واقع ہرئی ہے۔

جموں و کشمیر میں کورونا کے 76 نئے فعال کیسز درج

تفصیلات کے مطابق کورونا وائرس کے 76 نئے مثبت معاملات کے ساتھ کورونا متاثرین کی مجموعی تعداد بڑھ کر 124373 ہو گئی ہے۔

نئے کیسز میں سے 16 خطہ جموں سے جبکہ 60 خطہ کشمیر سے ہیں۔ علاوہ ازیں جموں و کشمیر میں اس وبا سے ہلاک ہونے والوں کی کل تعداد 1933 ہو گئی ہے۔

حکام نے بتایا کہ گزشتہ روز کورونا کے 215مریض صحتیاب ہوئے ہیں اور انہیں مختلف ہسپتالوں سے رخصت کیا گیا ہے۔ صحتیاب ہوئے مریضوں میں سے 115 جموں خطے سے ہیں اور 100 کشمیر وادی سے ہیں۔ صحتیاب ہونے والوں کی کل تعداد 121617 ہو گئی ہے۔

جموں و کشمیر میں کورونا کے 76 نئے فعال کیسز درج

انتظامیہ کی جانب سے جاری کردہ میڈیا بلیٹن میں کہا گیا ہے کہ 124373 پازیٹیو کیسز میں سے 823 کیسز فعال ہیں جبکہ 121617 مریض صحتیاب ہو گئے ہیں۔

انتظامیہ کی جانب سے جاری کی گئی ایڈوائزی میں عوام کو یہ مشورہ دیا گیا ہے کہ حکومت کی طرف سے وقتاً فوقتاًجاری کردہ مشوروں پر سختی سے عمل کریں۔

پرنٹ اور الیکٹرانک میڈیا کے لئے حکومت کی طرف سے روزانہ میڈیا بلیٹن کے ذریعہ جاری کردہ معلومات پر ہی انحصار کریں۔

لوگوں کو یہ بھی مشورہ دیا جاتا ہے کہ وہ افواہوں کو پھیلانے سے باز رہیں اور ان پر کوئی دھیان نہ دیں۔

کسی بھی ایمرجنسی کی صورت میں لوگ ٹول فری نمبر 108 پر کال کرکے اپنے دروازوں پر مفت ایمبولینس خدمات حاصل کرسکتے ہیں۔ جبکہ حاملہ خواتین اور بیمار شیرخوار ٹول فری نمبر 102 پر فون کرکے مفت ایمبولینس خدمات حاصل کرسکتے ہیں۔