وادی کشمیر میں برف باری سے عام لوگوں کو کافی مشکلات کا سامنہ کرنا پڑ رہا ہے۔ گزشتہ روز بارہمولہ سے 30 کلومیٹر کی دوری پر واقع تلگام کریری علاقے میں ایک حاملہ خاتون کو جموں کشمیر پولیس کے جوانوں نے پیدل چارپائی پر اُٹھا کر ہسپتال پہچایا۔
غور طلب ہے کہ علاقے میں 3 فٹ تک برف جمع ہے جس کی وجہ سے نظام زندگی بُری طرح مفلوج ہوکر رہ گیا ہے۔
پولیس نے حاملہ خاتون کی جان بچائی پولیس کو صبح ایک فون کال موصول ہوئی جب مبینہ نامی خاتون کے شوہر نے پولیس لائن کریری کو کال کر کے بتایا کہ انہں مدد کی ضرورت ہے۔
پولیس کے ایس ڈی پی او رمیز احمد نے پولیس جوانوں کو ہدایت دی کی وہ تلگام علاقے میں جائے اور حاجت مند کنبے کو مدد فراہم کریں۔ بعد میں پولیس نے بروقت کاروائی کر کے مبینہ نامی خاتون کو چارپائی پر اُٹھا کر ہسپتال پہچایا۔
گھر والوں کا کہنا ہے کہ حاملہ خاتون نے صحت مند بچے کو جنم دیا ہے۔ خاتون کے گھر والوں نے پولیس کا شکریہ ادا کیا ہے۔ انہوں نے کہا پولیس کی مدد کی وجہ سے ہی یہ خاتون کی جان بچ پائی ہے۔
ادھر پولیس کا کہنا ہے کہ انہیں ایس پی کی ہدایت ہے کہ جہاں بھی لوگوں کو کسی قسم کی مدد کی ضرورت ہو وہاں فوری مدد پہنچائی جائے۔
