سرکاری ذرائع نے بتایا کہ وادی کشمیر میں گزشتہ 24 گھنٹوں کے دوران 92 نئے مثبت کیسز پائے گئے ہیں جبکہ صوبہ جموں میں 36 کیسز آئے ہیں۔
جموں و کشمیر میں 128 نئے مثبت کیسز - 1,261سرگرم معاملات
جموں و کشمیر میں گزشتہ 24 گھنٹوں کے دوران کورونا وائرس کے 128 نئے مثبت معاملات سامنے آئے ہیں جس کے بعد مثبت معاملات کی تعداد 2,164 پہنچ گئی ہے۔
جموں و کشمیر میں 128 نئے مثبت کیسز
اس یونین ٹریٹری میں کورونا وائرس کے2,164 مثبت معاملات سامنے آئے ہیں جن میں سے 1,261 سرگرم معاملات ہیں۔ اب تک 875 افراد رو بہ صحت ہوئے ہیں جبکہ 28 افراد کی موت واقع ہوئی ہے۔
علاوہ ازیں اب تک ایک لاکھ 56 ہزار 10 ٹیسٹ کے نتائج دستیاب ہوئے ہیں جن میں سے 29 مئی 2020 کی شام تک ایک لاکھ 53 ہزار 846 نمونوں کی رِپورٹ منفی پائی گئی ہے۔ ایک لاکھ 58 ہزار 773 افراد کو نگرانی میں رکھا گیا ہے جن کا سفری پس منظر ہے اور جو مشتبہ معاملات کے رابطے میں آئے ہیں۔