جموں میں شیوسینا کا مرکزی حکومت کے خلاف احتجاج

مرکز کے زیر انتظام علاقے جموں میں شیوسینا کے کارکنان نے پارٹی صدر ڈمپل کوہلی کی صدارت میں مرکزی حکومت کے خلاف احتجاج کیا۔

شیوسینا جموں کشمیر ونگ کے صدر ڈمپل کوہلی نے کہا کہ 'جموں کشمیر ملک کا واحد ایسا خطہ ہے جو کی ملک کی بیشتر ریاستوں کو بجلی فراہم کرتا ہے لیکن بدقسمتی کی بات یہ ہے کہ کسی بھی حکومت نے آج تک جموں کشمیر کے عوام کے لیے بجلی فیس میں کھبی بھی کمی نہیں کی بلکہ دن بہ دن اس میں اضافہ کیا جاتا ہیں جو کہ جموں کشمیر کے عوام کے ساتھ سراسر نا انصافی ہے'۔

انھوں نے یہ بھی کہا کہ 'آزادی کی بعد سے جموں و کشمیر اور مرکز میں جتنی بھی حکومتیں آئی ہیں سب نے جموں و کشمیر کے ساتھ انگریزوں جیسا سلوک کیا ہے'۔

انہوں نے مودی حکومت سے اپیل کرتے ہوئے کہا کہ 'حکومت جموں کشمیر کے عوام کو مفت بجلی اور پانی فراہم کرے کیوں کی یہ یہاں کی عوام کا حق ہے'۔