وسطی کشمیر کے ضلع بڈگام کے ہمہامہ میں واقع سی آر پی ایف ٹریکنگ سینٹر میں آج صبح سی آر پی ایف اور جموں و کشمیر پولیس کے علاوہ سول انتظامیہ نے ہلاک شدہ اہلکاروں کو خراج تحسین پیش کیا ۔
بارہمولہ حملہ: سی آر پی ایف اہلکاروں کو خراج تحسین اس دوران ہلاک شدہ جوانوں کو سلامی دی گئی اور انکے لاشوں پر گلباری کی گئی-یہ دو اہلکار پیر کو بارہمولہ کے کریری علاقے میں عسکریت پسندوں کی جانب سے ہونے والے حملے میں ہلاک ہوئے تھے-
یہ بھی پڑھیں
ہلاک شدہ اہلکاروں کی شناخت ریاست بہار سے تعلق رکھنے والے خورشید خان اور لوکیش سدرشن شرما کے بطور ہوئی ہے۔ ان کے علاوہ اس حملے میں پولیس کے ایک ایس پی او مظفر علی ڈار بھی ہلاک ہوئے تھے۔
اس حملے کے بعد عسکریت پسندوں اور سیکورٹی فورسز کے مابین ہوئے تصادم میں تین عسکریت پسند ہلاک جبکہ دو فوجی اہلکار زجمی ہوئے تھے جن میں ایک کی حالت نازک بتائی جاتی ہے۔
پولیس کا کہنا تھا کہ اس تصادم میں شمالی کشمیر کے لشکر طیبہ تنظیم کے مطلوب ترین کمانڈر سجاد احمد میر عرف حیدر ہلاک ہوگئے ہیں۔
