ڈوڈہ میں پہلے خواتین پولیس اسٹیشن کا افتتاح

جموں و کشمیر کے ڈائریکٹر جنرل آف پولیس دلباغ سنگھ نے ضلع ڈوڈہ کے پہلے خواتین پولیس اسٹیشن کا افتتاح کیا۔

پہلے خواتین پولیس اسٹیشن کی افتتاحی تقریب کے موقع پر ڈی جی پی دلباغ سنگھ کے ہمراہ انسپکٹر جنرل پولیس (جموں زون) مکیش سنگھ اور ڈوڈہ کشتواڑ - رمبن رینج کے ڈی آئی جی، بی ایس ٹوٹی بھی موجود تھے۔

دلباغ سنگھ نے کہا کہ' ڈوڈہ، کشتواڑ اور رمبن اضلاع میں خواتین پولیس اسٹیشن کھولنے کا مقصد، مقامی خواتین کو بہتر ماحول فراہم کرنا ہے۔'

انہوں نے کہا کہ' خواتین کے خلاف جرائم کو سنجیدگی سے لیا جاتا ہے اور اس قسم کے جرائم کی روک تھام کے لیے خواتین پولیس اسٹیشن قائم کیا گیا ہے جہاں خواتین عہدیدار، عورتوں سے متعلق معاملات کو سلجھائیں گے۔

دلباغ سنگھ نے کہا کہ ’یہ تھانہ خواتین کو شکایات درج کرانے میں آسانی فراہم کریگا‘۔