کشمیر: تازہ قرضوں پر اسٹامپ ڈیوٹی کی چھوٹ

فائنانشل کمشنر ارون مہتا کی جانب سے جاری کی گئی نوٹیفکیشن میں لکھا گیا ہے کہ 'جن افراد کے اکاؤنٹ کی تشکیل نو 17 اکتوبر 2018 کو کی گئی ہیں (نامساعد حالات، قدرتی آفات کی وجہ سے) کو اسٹیمپ ڈیوٹی میں چھوٹ دی گئی ہیں۔

تاجروں کو ایک بڑی راحت دیتے ہوئے جموں وکشمیر حکومت نے گذشتہ 5 اگست سے دفعہ 370 کی منسوخی کے بعد وادی میں غیرمعمولی صورتحال کی وجہ سے قرض دہندگان کے لئے تازہ و اضافی قرضوں کے لئے دستاویزات پر اسٹامپ ڈیوٹی چھوٹ دینے کا حکم دیا ہے۔

جموں و کشمیر کے محکمہ خزانہ نے انہیں قرض لینے والوں کے لئے تازہ قرضوں پر اسٹامپ ڈیوٹی چھوٹ کا نوٹیفکیشن جاری کیا ہے جن کے کھاتوں کی تشکیل نو کی گئی ہے۔

اسٹیمپس ایکٹ کے سیکشن 9 کی شق (اے) کے ذریعے دیئے گئے 'اختیارات کے استعمال سے حکومت نے قرض لینے والوں کو اسٹامپ ڈیوٹی سے استثنیٰ دیا ہے'۔

فائنینشل کمشنر ارون مہتا کی جانب سے جاری کی گئی نوٹیفکیشن میں لکھا گیا ہے کہ 'جن افراد کے اکاؤنٹ کی تشکیل نو 17 اکتوبر 2018 کو کی گئی ہیں ( نامساعد حالات، قدرتی آفات کی وجہ سے) کو اسٹیمپ ڈیوٹی میں چھوٹ دی گئی ہیں۔

نوٹیفکیشن میں کہا گیا ہے کہ قرض دینے والے مالیاتی اداروں کے برانچ ہیڈ اس بات کی تصدیق کریں گے کہ قرض لینے والوں کے تازہ اکاؤنٹ / اضافی قرضوں میں توسیع کئے جارہے کھاتوں کو 17 اکتوبر 2018 کی غیر معمولی صورتحال کی وجہ سے آر بی آئی کی 'ماسٹر ڈائرکشن' کے مطابق تشکیل دیا گیا ہے۔

یہ نوٹیفکیشن فوری طور پر نافذ العمل ہے اور جاری ہونے کی تاریخ سے ایک سال تک اس کا اطلاق ہوگا۔

پانچ اگست 2019 کو آرٹیکل 370 کو منسوخ کرنے کے بعد لاک ڈاؤن اور مواصلات کی خدمات معطل ہونے کی وجہ سے جموں و کشمیر کو بڑے پیمانے پر معاشی نقصان ہوا ہے۔

کشمیر چیمبر آف کامرس اینڈ انڈسٹری (کے سی سی آئی) نے دسمبر 2019 میں جاری ہونے والی اپنی 'معاشی نقصان کی رپورٹ' میں کہا ہے کہ آرٹیکل 370 کو ختم کرنے کے بعد سے کشمیر کی معیشت کو 17878.18 کروڑ روپئے کا نقصان ہوا ہے۔