جموں و کشمیر اور لداخ کے پہلے لیفٹیننٹ گورنر

سینیئر آئی اے ایس افسر گریش چندر مُرمو کو مرکز کے جموں و کشمیر کا پہلا لیفٹیننٹ گورنر جبکہ سینیئر افسر رادھا کرشن ماتھر کو لداخ کا پہلا لیفٹیننٹ گورنر مقرر کیا گیا ہے۔

سینیئر آئی اے ایس افسر گریش چندر مُرمو کو مرکز کے زیر انتظام جموں و کشمیر اور سینیئر افسر رادھا کرشن ماتھر کو لداخ کا پہلا لیفٹیننٹ گورنر کا مقرر کیا گیا ہے۔
راشٹر پتی بھون کی جانب سے جاری پریس ریلیز کے مطابق صدر رام ناتھ کووند نے گجرات کیڈر کے 1985 بیچ کے آئی اے ایس افسر مسٹر مُرمو کو جموں وکشمیر اور تریپورہ کیڈر کے 1977 بیچ کے آئی اے ایس افسر مسٹر ماتھر کو لداخ کا پہلا لیفٹیننٹ گورنر مقرر کیا ہے۔ جموں وکشمیر کے موجودہ گورنر ستیہ پال ملک اب گوا کے گورنر ہوں گے۔

جموں و کشمیر اور لداخ کے پہلے لیفٹیننٹ گورنر

واضح رہے کہ ستیہ پال ملک کو سنہ 2018 میں جموں و کشمیر کا گورنر مقرر کیا گیا تھا اس سے قبل وہ بہار کے گورنر تھے۔