ماہ رمضان کی تیاریاں شروع

ریاست جموں و کشمیر ضلع اننت ناگ کے ہائی گراؤنڈ میں قائم آرمی گُڈ وِل اسکول کی جانب سے استقبال ماہ رمضان کے عنوان سے ایک تقریب کا انعقاد کیا گیا۔

تقریب میں گڈ ول اسکول کے اساتذہ سمیت طلبہ و طالبات نے کثیر تعداد میں شرکت کی۔

تقریب کا مقصد نئی نسل تک ماہ رمضان کی اہمیت اور فضیلت کا پیغام پہنچانا اور اس ماہ کی برکتوں اور فضیلتوں کو اجاگر کرنا تھا۔

اس موقعہ پر کئی طلبہ و طالبات نے رمضان کی عظمت و فضیلت پر روشنی ڈالی اور استقبال رمضان کے سلسلہ میں نعت گائے۔

تقریب کے اختتام کے بعد کئی طلبہ و طالبات کو انعامات سے نوازا گیا۔