'لفٹ اریگیشن اسکیم' بحال کرنے کا مطالبہ

جموں و کشمیر کے ضلع اننت ناگ کے کھرم و دچھنی پورہ کے دیگر علاقوں کے لیے مختص 'لفٹ اریگیشن اسکیم' گزشتہ کئی برسوں سے کارآمد نہیں ہے جس کی وجہ سے علاقے کے لوگوں کو شدید مشکلات درپیش ہیں۔

لوگوں کا کہنا ہے کہ 'سال 2013 میں علاقے میں پانی و آبپاشی کے حوالے سے درپیش مشکلات کا ازالہ ممکن بنانے کی غرض سے سرکار نے 4 کروڑ کی لاگت سے لفٹ اریگیشن اسکیم کو عوام کے نام وقف کیا تھا۔'

جبکہ اس اسکیم سے علاقے کی 500 ہیکٹر اراضی کے لیے آبپاشی کی امید تھی۔ تاہم وقت گزرنے کے ساتھ ساتھ یہ اسکیم پوری طرح سے بے کار ہو گئی اور اس طرح سے نہ صرف کروڑوں روپے برباد ہو گئے بلکہ لوگوں کی امیدوں پر بھی پانی پھر گیا۔

'لوگوں نے ای ٹی وی بھارت سے بات کرتے ہوئے کہا کہ 'سرکار سے اسکیم کو دوبارہ بحال کرنے کے لیے ڈی سی آفس میں دستیاب ولیج کمیونٹی فنڈ صرف کرنے کا مطالبہ کیا ہے اور ایک تحقیقاتی کمیٹی تشکیل دینے کی بھی مانگ کی ہے۔