منڈی: آتشزدگی میں لاکھوں کے سامان جل کر خاکستر

منڈی بلاک کے تمبرہ میں شدید آتشزدگی کے سبب دیگر سازوسامان کے ساتھ ساتھ دس بکریاں اور ایک گائے جل کر لقمہ اجل بن گئے۔

جموں و کشمیر میں ضلع پونچھ کے تحصیل منڈی بلاک کے تمبرہ میں واقع ایک مکان میں شدید آگ لگ گئی، جس میں دیگر سازوسامان کے ساتھ ساتھ دس بکریاں اور ایک گائے جل کر لقمہ اجل بن گئے۔

ذرائع کے مطابق تمبرہ کے رہائشی محمد بشیر ولد غریب کے گھر میں مال مویشییوں کے لئے آگ بنائی گئی۔ تبھی اچانک آگ بانڈی میں لگ گئی اور دیکھتے ہی دیکھتے پوری بانڈی کو اپنے لپیٹے میں لے لیا۔

مقامی لوگوں نے اس کی اطلاع پولیس اہلکار اور محکمہ فائر بریگیڈ کو دی، موقع پر پہنچی فائر بریگیڈ کی ٹیم نے کافی مشققت کے بعد آگ پر قابو پا لیا ۔